RECOMENDACIÓNS LECTORAS

Achégase o Nadal e o momento de escribir a carta a Papá Noel ou os Reis Magos.

Non vos esquezades de pedirlle un libro ou unha película para pasar un rato ben divertido.

Aquí vos quedan unhas recomendacións!!

NOVO RECUNCHO: LEGO

 A Rufiteca ten unha novidade importante esta semana.

Un novo recuncho  de xogo con LEGO no que o alumnado poderá deixar voar a súa creatividade e imaxinación para crear figuras, cidades, bosques, animais...

Os LEGO coma os contos deixan voar a nosa imaxinación!!!

SAÍDA Á BIBLIOTECA PÚBLICA DE PONTEVEDRA

 Todo o alumnado de Educación Infantil visitou esta semana a Biblioteca pública de Pontevedra.

Alí contáronnos un conto e pasamos un rato divertido coñecendo as instalacións desta biblioteca e descubrindo todos os libros que nela se agochan.

Ademais, aproveitamos a visita a Pontevedra para dar un paseo pola súa alameda e visitar o parque que hai alí.

Unha xornada de lectura e diversión!!

Aquí queda o enlace o álbum con todas as fotos do día.

ÁLBUM FOTOS BIBLIOTECA PÚBLICA

RECOMENDACIÓNS DE CINE CON TEMÁTICA NAVIDEÑA

 Na biblioteca Rufiño non só pasa o tempo rodeado de libros.

De vez en cando tamén se senta a ver unha película.

Nesta ocasión recomenda unhas cantas de temática relacionada co Nadal.

Animádesvos a ver algunha nas vosas casas??

NOVIDADES NA RUFITECA

 Esta semana hai libros novos na sección de novidades.

Só tendes que buscar a estantería correspondente a esta sección na entrada da biblioteca.

Hai títulos moi, moi interesantes esperando por vós!!

SESIÓN DE CINE DE NADAL: EL GRINCH

 O pasado venres tocou sesión de cine con temática navideña.

Todo o alumnado de Educación Infantil xuntómonos na rufiteca para ver a película "El Grinch".

Como é un pouco longa farémolo en dúas sesións. A próxima será o próximo venres 13 de decembro.

Estamos desexando saber como continúa e, sobre todo, como rematará??

25 N: O CHUVASQUEIRO DE AURORA

Con motivo da conmemoración do 25 de Novembro todos os peques de Educación Infantil xuntáronse na biblioteca para escoitar a historia de "El chubasquero de Aurora", contado por la profe Tanya. 

Despois cada un e cada unha elaborou o seu propio chuvasqueiro pintando de lila e colocando os botóns das mesmas cores que os de Aurora.

E aquí queda a historia en vídeo por se estades intersadas en escoitala!!

CHARLA SOBRE SAÚDE

 O pasado martes 19 de novembro e o xoves 21 de novembro tivemos unha visitia moi especial das enfermeiras do centro de saúde de Lérez.

Viñeron a darnos unha charla sobre aspectos relacionadas coa saúde para todo o alumnado de Educación Infantil e para o alumnado de 1º e 2º de Educación Primaria.

Explicaron cousas que podemos atopar nas consultas, como debermos actuar, que non debemos ter medo cando acudimos ao médico, a que número chamar en caso de urxencia...

Pero non estiveron soas, viñeron acompañadas dun osiño que fixo a explicación máis amena e que puideramos entender moito mellor todo o que nos explicaron.

Ao final da sesión tiñan un agasallo preparado para nós, unhas pegatinas moi chulas.

Mil grazas por compartir con nós todo o que sabedes!!

No seguinte enlace podedes ver o álbum completo de fotos.

ÁLBUM FOTOS CHARLA CENTRO SAÚDE LÉREZ